సెకండ్ హ్యాండ్ వస్తువులు కొనే ముందు ఈ వాస్తు నియమాలను తెలుసుకోండి

ఇంటర్నెట్ డెస్క్: ఈ రోజుల్లో చాలా మంది డబ్బు ఆదా చేయడానికి సెకండ్‌ హ్యాండ్ వస్తువులు కొనుగోలు చేస్తున్నారు. అయితే, వాస్తు శాస్త్రం ప్రకారం కొన్ని పాత వస్తువులు ఇంట్లోకి ప్రతికూల శక్తిని తీసుకువస్తాయనే నమ్మకం ఉంది. అందుకే కొన్ని వస్తువులను కొనేటప్పుడు జాగ్రత్తగా ఉండాలని వాస్తు నిపుణులు చెబుతున్నారు.

పాత మంచాలు, ఫర్నిచర్

వాస్తు ప్రకారం.. మంచం, సోఫా, కుర్చీలు వంటి వస్తువులు ఎక్కువకాలం వాడినవైతే వాటిలో పాత యజమాని ప్రభావం ఉండొచ్చని నమ్ముతారు. ముఖ్యంగా పాత మంచాలు వాడటం వల్ల నిద్ర సరిగా లేకపోవడం లేదా మానసిక అసౌకర్యం కలగొచ్చని చెబుతారు.

పాత గడియారాలు

గడియారం జీవిత పురోగతిని సూచిస్తుందని వాస్తు శాస్త్రం చెబుతుంది. పనిచేయని లేదా ఇతరులు వాడిన పాత గడియారాలను ఇంట్లో పెట్టుకోవడం మంచిది కాదని భావిస్తారు.

పాత బట్టలు, చెప్పులు

ఇతరులు ఎక్కువకాలం వాడిన బట్టలు, చెప్పులు ధరించడం వల్ల ప్రతికూల ప్రభావం ఉంటుందని కొందరు నమ్ముతారు. ముఖ్యంగా చిరిగిన లేదా పాడైన చెప్పులను వాడకూడదని సూచిస్తారు. అలాగే, వాస్తు ప్రకారం చీపురును లక్ష్మీదేవికి ప్రతీకగా భావిస్తారు. అందుకే ఇతరులు వాడిన చీపురును ఇంటికి తీసుకురావడం లేదా మన చీపురును ఇతరులకు ఇవ్వడం మంచిది కాదని చెబుతారు.

పాత వస్తువులు వాడాల్సి వస్తే ఏమి చేయాలి?

• గంగాజలం లేదా ఉప్పు నీటితో శుభ్రం చేయాలి.

• కర్పూరం లేదా సాంబ్రాణి ధూపం వేయాలి.

• కొంతసేపు ఎండలో ఉంచాలి.

ఇలా చేస్తే ప్రతికూల శక్తి తగ్గుతుందని వాస్తు నిపుణులు చెబుతున్నారు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

మామిడి పండ్లు తింటే శరీరంలో వేడి పెరుగుతుందా?

వండే ముందు చికెన్‌ను కడుగుతున్నారా? ఆరోగ్యానికి హానికరం!

For More Latest News